2019 жылы көптеген мекемелер Арыс қаласындағы техногендік апаттан зардап шекті.

Сол кезде «Халық» қайырымдылық қоры мен Halyk Group-тың бизнес-серіктестері «Алтын Тұмар» балабақшасын және И.Журба атындағы жалпы орта білім беретін мектепті қалпына келтіруге қаражат жинап, бөлді.

Жөндеу-құрылыс жұмыстары тәулік бойы жүргізілді, И.Журба атындағы бір ғана мектептің ғимаратын қалпына келтіруге 100-ге жуық адам жұмылдырылды. Қалпына келтіру жұмыстарына жұмсалған қаражат 1 млрд теңгеден асты.

Сондай-ақ, «Халық» қайырымдылық қоры Арыс аудандық орталық ауруханасына 130 млн теңгеден астам сомаға медициналық жабдықтар сатып алу арқылы қайырымдылық көмек көрсетті. Жаңа жабдық шұғыл және жоспарлы операциялар, босану кезінде уақтылы медициналық көмектің толық көлемін көрсетуге, сондай-ақ пациенттерді жоспарлы емдеуді жүзеге асыруға мүмкіндік береді.

Сатып алынған тізімде – операциялық үстел, инфузиялық және шприцті сорғылар, жаңа туған нәрестелерге арналған инкубатор, фото терапиялық қондырғы, балаларға арналған медициналық жылытқыштар, маммографиялық жүйе, кереуеттер, өкпені жасанды желдету аппараттары, Bionet емделушісінің мониторлары және басқалары - Оңтүстік Корея, Чехия және Швейцария өндірген медициналық жабдықтың барлығы 30 бірліктен астам.